Абшыр-Ата - фарс тилинен алынганы айтылып жүрөт. "Аб" - суу, "шыр" - "сүт". Демек, "сүттүү суу",-деген маанини түшүндүрөт. Жерден 18-20 метр бийиктиктеги, диаметри 1.5 метр болгон тик асканын тешигинен шаркыраган суу агымы ылдый агат. Диний көз караштагы имиштерден алганда: Абшыр-Ата суусу топон суудан мурда Абу-Зам-Зам менен Хавзи-Кавсардан бөлүнүп чыккан дешет. Дарыянын суусу менен агып келип кошулбай, 300 метрден кийин таштарга урунуп аралашып, жайык жерге келгенде бөлүнүп агат.